‘पूर्णबहादुरको सारङ्गी’ले अहिलेसम्म विदेशमा कमायो २३ करोड ३५ लाख

‘पूर्णबहादुरको सारङ्गी’ले अन्तर्राष्ट्रिय बक्स अफिसमा सर्वाधिक कमाउने नेपाली फिल्मको कीर्तिमान रचेको छ । वितरण तथा निर्माता कम्पनी सेभेन सिजले शुक्रबार (नोभेम्बर २९) सम्मको विदेशी बजारको कलेक्सन सार्वजनिक गरेको छ ।

फिल्मले सात अन्तर्राष्ट्रिय बजारबाट शुक्रबारसम्म २३ करोड ३५ लाख रुपैयाँ ग्रस (करिब १७ लाख ३० हजार अमेरिकी डलर) कमाएको छ । सबैभन्दा धेरै कमाइ अमेरिकी बक्स अफिसमा छ, जहाँ फिल्मले १२ करोड ४६ लाख नेरु ग्रस (९ लाख २२ हजार अमेरिकी डलर) कमाएको छ ।

फिल्मले दोस्रो धेरै कमाइ अस्ट्रेलियामा गरेको छ । त्यहाँको बक्स अफिसमा फिल्मले ७ करोड ७८ लाख नेरु ग्रस (८ लाख ८४ हजार अष्ट्रेलियाली डलर) कमाएको छ । न्युजिल्याण्डमा ३४ लाख ३५ हजार नेरु ग्रस (३९ हजार अस्ट्रेलियन डलर) छ ।

यस्तो छ शुक्रबारसम्मको कमाइ (ग्रसमा)

अमेरिका : ९ लाख २२ हजार अमेरिकी डलर (१२ करोड ४६ लाख रुपैयाँ)

मध्यपूर्व : २ करोड ५० लाख रुपैयाँ

अस्ट्रेलिया : ८ लाख ८४ हजार अस्ट्रेलियन डलर (७ करोड ७८ लाख)

न्युजिल्याण्ड : ३९ हजार अस्ट्रेलियन डलर (३४ लाख ३५ हजार)

बेल्जियम : ६ हजार ३ सय युरो (८ लाख ९७ हजार)

डेनमार्क : ९ हजार ६ सय युरो (१३ लाख ६८ हजार)

नर्वे : ३ हजार २०० युरो (४ लाख ५६ हजार)

यो कमाइ २९ नोभेम्बरसम्मको बक्स अफिस कलेक्सनमा आधारित हो । यसमा प्राइभेट शोलाई उल्लेख गरिएको छैन । अहिले पनि यी मुलुकमा फिल्म प्रदर्शनरत भइरहेकाले कमाइ वृद्धि हुनसक्छ ।