कञ्चनपुर : क्षेत्र नम्बर १ स्तरीय मेयरकप फुटबल प्रतियोगिता शुरु

दिनेश चाैधरी / बेलाैरी, कञ्चनपुर - 

बेलाैरीकाे खुलामञ्चमा कञ्चनपुर क्षेत्र नम्बर १ स्तरीय मेयरकप फुटबल प्रतियोगिता २०८१ शुरु भएको छ । 

मंगलबार बेलाैरी नगरप्रमुख पाेतीलाल चाैधरीकाे प्रमुख आतिथ्यमा प्रतियोगिता सुरु भएको हाे । मेयर चाैधरीले प्रतियोगिताको औपचारिक उद्घाटन गरेका हुन् ।

क्षेत्र नम्बर १ स्तरीय खुल्ला पुरुष फुटबल प्रतियोगितामा कूल १६ टीमकाे सहभागीता रहेको आयाेजक एवम् बेलाैरी नगर खेलकुद समिति अध्यक्ष रामेश्वर न्याैपानेले बताए । 

उनले भने, प्रतियोगिताकाे विजेता टीमलाई नगद रु. १ लाख र उप-विजेतालाई नगद रु.६० हजार सहित ट्रफी मेडल र प्रमाणपत्र प्रदान गरिने छ ।, उक्त फुटबल प्रतियोगिता यहीँ मंसिर २७ गतेसम्म सञ्चालन गरिने अध्यक्ष न्याैपाने जनाए ।

मंगलबार सम्पन्न उद्घाटन कार्यक्रममा स्थानीय जनप्रतिनिधि, जिल्ला खेलकुद समिति अध्यक्ष, बेलाैरी प्रहरी निरीक्षक, बेलाैरी सशस्त्र प्रहरी नायव उपरीक्षक, खेलाडी एवम् खेलप्रेमी महानुभावहरुकाे सहभागीता रहेको थियो । 

कार्यक्रममा बाेल्ने अधिकांश वक्ताले प्रतियोगिता सफलताको शुभकामना व्यक्त गरेका छन् । भने कार्यक्रमकाे सञ्चालन शिक्षक एवम् नगर खेलकुद समिति सदस्य तेजबहादुर चन्दले गरेका थिए ।