सुनको भाउ बढ्यो, तोलाको कति?

आज सुनको भाउ एक सय रुपैयाँले बढेको छ । सुनकाे भाउ एक सय रुपैयाँले बढेर ताेलाकाे एक लाख ५० हजार चार सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलामा एक लाख ५० हजार तीन सय रुपैयाँ रहेको थियो ।

यस्तै आज चाँदीको भाउ पनि बढेको छ । चाँदी २० रुपैयाँले बढेर ताेलाकाे एक हजार आठ सय ६५ रुपैयाँ कायम भएको महासङ्घले जनाएको छ ।