गायिका स्मितालाई वैवाहिक शुभकामना दिन संजय दत्त नेपाल आउने

बलिउड स्टार संजय दत्तले पनि गायिका स्मिता दाहाललाई वैवाहिक जीवनको शुभकामना दिएका छन् । जारी एक भिडियो सन्देशमा अभिनेता दत्तले नवविवाहित जोडीलाई बधाई दिन चाँडै नेपाल आउने बताएका छन् ।

भारतीय प्रधानमन्त्री नरेन्द्र मोदीले शुभकामना सन्देश दिएको एक दिनपछि अभिनेता दत्तको भिडियो आएको हो । स्मिताकी आमा समेत रहेकी गंगा दाहालले सामाजिक संजालमार्फत दत्तको भिडियो सार्वजनिक गरेकी छन् ।

मंसिर २१ गते गायिका दाहाल र उनका प्रेमी सायुज्य श्रेष्ठले लगनगाँठो कसेका थिए । ‘मायालु तिमी कता छौ’ स्मिताको बहुचर्चित गीत हो जसलाई अहिलेसम्म ३ करोड १५ लाख पटक हेरिएको छ ।

भिडियोमा दत्तले भनेका छन् :

नमस्कार, जय भोलेनाथ, हरहर महादेव । केही प्राविधिक समस्याको कारण आज म तपाईंहरूमाझ आउन सकिन । तर, मेरी भाञ्जी स्मिता र सायुज्यलाई उनीहरूको वैवाहिक जीवनको लागि शुभकामना । म मेरी बहिनी गंगा र उनको परिवारलाई मेरो तर्फबाट धेरै धेरै आशिर्वाद । तपाईंहरू सबैसँग चाँडै भेट्नेछु । मेरो तर्फबाट धेरै धेरै शुभकामना । गंगा बहिनी चाँडै आएर भेट्नेछु र यी बच्चाहरूलाई आफ्नो आशिर्वाद दिनेछु । धन्यवाद, चाँडै भेट्नेछौं । हर हर महादेव, जय भोलेना