चर्चित क्रिकेटर लारा नेपालमा

चर्चित क्रिकेटर ब्रायन लारा नेपाल आइपुगेका छन् । लारा नेपाल क्रिकेट सङ्घ क्यानको निमन्त्रणामा जारी नेपाल प्रिमियर लिग (एनपीएल) हेर्न नेपाल आएका हुन् । उनलाई क्यान पदाधिकारीले त्रिभुवन विमानस्थलमा स्वागत गरे ।

वेस्ट इन्डिजका क्रिकेट खेलाडी लाराको नाममा टेस्ट क्रिकेटमा एकै इनिङमा नटआउट चार सय रन बनाउने कीर्तिमान छ । ५५ वर्षीय लाराले वेस्ट इन्डिजका लागि एक सय ३१ टेस्टमा झण्डै १२ हजार रन बनाएका छन् भने दुई सय ९९ ओडीआई खेल्दा १० हजारभन्दा धेरै रन बनाएका छन् ।

लाराले जारी नेपाल प्रिमियर लिग (एनपीएल) का खेलाडीहरूसँग पनि कुराकानी गर्ने क्यानले जनाएको छ ।