१२ सयले घट्यो सुनको मूल्य, कतिमा हुँदैछ कारोबार ?

नेपाली बजारमा आज प्रतितोला सुन एक हजार दुई सय रुपैयाँले घटेको छ । बिहीबार प्रतितोला एक लाख ५४ हजार २०० रुपैयाँमा कारोबार भएको सुन आज बजार खुल्दा एक लाख ५३ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

यसै गरी, चाँदीको मूल्य पनि तोलामा ५५ रुपैयाँले घटेको छ । आज चाँदी प्रति तोला एक हजार आठ सय ६० रुपैयाँमा कारोबार भइरहेको महासङ्घले जनाएको छ ।