लागूऔषध र चेक अनादर मुद्दाका फरार प्रतिवादी पक्राउ

कैलाली -

कैलालीबाट लागूऔषध र चेक अनादर मुद्दाका फरार प्रतिवादी पक्राउ परेका छन् ।

लागूऔषध मुद्दामा १ महिना कैद सजाय तोकिएको धनगढी उपमहानगरपालिका–१ शान्तीनगर बस्ने २९ वर्षीय बिपिन मल्ल र चेक अनादर मुद्दामा १ हजार जरिवाना तोकिएकी टीकापुर नगरपालिका–१ बस्ने नारायणी देवी खत्री पक्राउ परेकी हुन् ।

जिल्ला अदालत कैलालीको फैसलाले कैद सजाय तथा जरिवाना ठहर गरेपछि दुबै जना फरार रहेका थिए । उनीहरुलाई शुक्रवार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो ।