सुनको भाउ बढ्यो, कतिमा हुँदैछ कारोबार ?

आज सुनको भाउ तोलामा एक सय रुपैयाँले बढेको छ । सुनको भाउ आज तोलामा एक सय रुपैयाँले बढेर एक लाख ५५ हजार आठ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको एक लाख ५५ हजार सात सय रुपैयाँ रहेको थियो ।

त्यस्तै आज चाँदीको भाउमा भने घटबढ भएको छैन । चाँदीको भाउ आज हिजो जस्तै तोलाको एक हजार आठ सय ६० रुपैयाँ रहेको महासङ्घले जनाएको छ ।