नेपाल बङ्गलादेशसँग ५ विकेटले पराजित

मलेसियामा जारी १९ वर्ष मुनीको आईसीसी महिला टि–ट्वान्टी विश्वकप क्रिकेटमा नेपाल बङ्गलादेशसँग ५ विकेटले पराजित भएको छ ।

बङ्गलादेशले १३ दशमलव २ ओभरमा ५ विकेटको क्षतिमा जीतका लागि नेपालले दिएको ५३ रनको लक्ष्य भेट्टाएको छ ।

शनिबारको आफ्नो पहिलो खेलमा टस हारेर ब्याटिङको निम्तो पाएको नेपालले १८।२ ओभरमा अल आउट हुँदै ५२ रनको झिनो योगफल मात्रै तयार पार्न सकेको थियो ।

बङ्गलादेशका जनाथन माओलाले २ तथा अनिसा सोवा, फोयोमोदी चोया र निशीता अख्तरले समान १ विकेट लिएका थिए ।

जवाफी ब्याटिङमा उत्रिएको बङ्गलादेशका लागि सादिया इस्लामले सर्वाधिक १६ रन जोडिन् । सुमैया अक्तरले १२ रन जोड्दा अफिया अशिमा इरा ९ रनसहित अविजित रहिन् । जनातुल माउवा ५ रन बनाएर अविजित रहँदा सुमैया अक्तर सुबोमा ४ रन बनाएर पवेभेलियन फर्किएकी थिइन् । 

नेपालका लागि सिमाना केसी, पूजा महतो, रिया शर्मा र रचना चौधरीले समान १ विकेट लिए । नेपालले दोस्रो खेलमा सोमबार स्कटल्याण्डसँग खेल्ने छ ।