कञ्चनपुरका विद्यार्थी नेता विष्ट अखिल क्रान्तिकारी केन्द्रीय उपमहासचिवको दौडमा

कञ्चनपुर -

कञ्चनपुरका विद्यार्थी नेता भुवन सिंह विष्ट अखिल क्रान्तिकारी केन्द्रीय उपमहासचिवको दौडमा छन् । नेकपा माओवादी केन्द्र निकट अखिल क्रान्तिकारीको केन्द्रीय उपमहासचिवमा विद्यार्थी नेता विष्ट दौडमा देखिएका हुन् ।

अखिल क्रान्तिकारी कञ्चनपुरका निर्वतमान अध्यक्ष समेत रहेका विष्टले अखिल क्रान्तिकारीको २३औँ राष्ट्रिय सम्मेलनबाट नयाँ कार्य समिति चयनका लागि उपमहासचिवमा उम्मेदवारी दिएका हुन् ।

सिद्धनाथ मावि जिमुवा विद्यार्थी जीवनकालदेखि विद्यार्थी राजनीतिमा होमिएका विष्ट १७ बर्षदेखि नियमित विद्यार्थीको हकहितका क्षेत्रमा काम गर्दै आएका छन्  ।

विष्टले कञ्चनपुरमा पनि विद्यार्थीको हकहितका लागि संघर्ष गर्दै आएका थिए । उनले आफुले केन्द्रीय उपमहासचिवको जिम्मेबारी पाए शैक्षिक विकृती विसङ्गती बिरुद्धमा निरन्तर संघर्ष गर्दै आम विद्यार्थीको हकहितका क्षेत्रमा काम गर्ने प्रण गरेका छन् । उम्मेदवारी दिएसंगै प्रचारप्रसारमा खटिएका विष्टले कञ्चनपुर सुदूरपश्चिम सहित देशभरका मतदाताहरुसंग मत मागिरहेका छन् ।