कञ्चनपुर : ८ किलो बढि चरेससहित दुई जना पक्राउ

कञ्चनपुर -

कञ्चनपुरबाट ८ किलो ९२६ ग्राम  चरेससहित दुई जना पक्राउ परेका छन् । मङ्गलबार जिल्लाको भीमदत्त नगरपालिका-९ ब्रह्मदेवबाट बझाङको पाथिभारा गाउँपालिका-२ बस्ने महेन्द्रबहादुर रोकाया र अमरबशादुर रोकाया चरेससहित पक्राउ परेका हुन् ।

पक्राउ परेका महेन्द्रको साथबाट ४ किलो ३३९ ग्राम  र अमरको साथबाट ४ किलो ५८७ ग्राम गरी ८ किलो ९२६ ग्राम लागूऔषध बरामद गरिएको जिल्ला प्रहरी कार्यालय कञ्चनपुरले जनाएको छ । पक्राउ परेका दुबै जनामाथि थप अनुसन्धान भइरहेको प्रहरीले बताएको छ ।